“Formula 1” 2026-cı il dünya çempionatında yeni iştirakçının adını rəsmən təsdiqləyib

“Formula 1” 2026-cı il mövsümündən etibarən dünya çempionatında rəsmi olaraq 11-ci komanda kimi “Сadillac”ı təsdiq edib.

“Report” xəbər verir ki, bu barədə yarışın mətbuat xidməti məlumat yayıb.

“FIA (Beynəlxalq Avtomobil Federasiyası – red.) və “Formula 1” təsdiq edə bilər ki, bütün müvafiq idman, texniki və kommersiya qiymətləndirmələri başa çatdıqdan sonra “General Motors” və “TWG Motorsports”-un “Cadillac” komandasının 2026-cı ildən “Formula 1″ çempionatında iştirak etmək üçün müraciəti təsdiqlənib”, – məlumatda deyilir.

Qeyd edək ki, 2026-cı ildə “Andretti” komandası ilə birləşən ABŞ-nin “Cadillac” komandası “Formula 1” pelotonunda 11-ci komanda olacaq.

2025/2026 mövsümündə Azərbaycan Qran-prisi 19-21 sentyabr tarixində keçiriləcək.