Zığ qəsəbəsində  şəhid ailəsi ziyarət olunub

Zığ qəsəbəsində  şəhid ailəsi ziyarət olunub

Suraxanı rayonu Zığ bələdiyyəsinin sədri Arzu Aslanova anti-terror əməliyyatları zamanı qəhrəmanlıq göstərərək şəhidlik zirvəsinə ucalan Qasımzadə İnqilab Füzuli oğlunun ailəsini ziyarət edib. Həmçinin bələdiyyənin məsul şəxsləri Zığ kənd qəbirstanlığında dəfn olunmuş şəhidin məzarını ziyarət ediblər

Şəhid ailəsi ilə görüşdə Zığ bələdiyyəsinin sədr müavini Bəhman Süleymanov iştirak edib.

Görüş zamanı tarixi qələbəmizdə şəhidlərimizin rolundan bəhs edilərək, Prezident İlham Əliyevin şəhid ailələri və qazilərə xüsusi diqqətindən danışılmışdır.

Şəhidin ailə üzvləri Prezident İlham Əliyevin və Birinci vitse-prezident Mehriban xanım Əliyevanın hər zaman diqqət, yüksək qayğısı ilə əhatələndiklərini, dövlət tərəfindən bu gün şəhid ailələrinə verilən qiymətin yetişməkdə olan gənc nəslin vətənpərvərlik tərbiyəsində bir nümunə olduğunu qeyd edərək öz minnətdarlıqlarını bildirmişdirlər.

Qeyd edək ki, Qasımzadə İnqlab Füzuli oğlu 2005-ci il yanvar ayının 22-də Suraxanı rayonu  Zığ qəsəbəsində anadan olmuşdur. İnqlab Qasımzadə orta təhsilini Yeni Günəşli qəsəbəsi, 290 saylı tam orta məktəbdə  almışdır.  

İnqlab Qasımzadə Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xankəndi istiqamətində gedən döyüşlərdə şəhid olmuşdur.

Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu İnqlab Qasımzadə Azərbaycan Respublikasının Prezidenti İlham Əliyevin sərəncamına əsasən “Vətən uğrunda” medalı və  3-cü dərəcəli “Vətənə xidmətə görə” ordeni ilə təltif edilmişdir. 

Belediyye.info