Məhəllə komitələri ilə görüş keçirildi

Məhəllə komitələri ilə görüş keçirildi

Sumqayıt Bələdiyyəsində məhəllə komitəsi seçkilərindən sonra
yeni seçilən üzvlərlə geniş tərkibdə görüş təşkil olundu.Görüşdə şəhər bələdiyyəsinin
sədri və aidiyyəti şöbələrimizin nümayəndələri iştirak edirdi.

Tədbiri açıq elan edən bələdiyyə sədri yeni seçilmiş məhəllə
komitəsi üzvlərini ürəkdən təbrik edərək onların fəaliyyətinə uğurlar arzuladı.
Qeyd olundu ki,məhəllə komitələri vətəndaşlarla dövlət qurumları arasında körpü
rolunu oynayan, insanların gündəlik sosial-məişət problemlərinin operativ şəkildə
həllinə kömək göstərən mühüm ictimai institutlardır.Sədr çıxışında bildirdi
ki,seçkilərdə sakinlərin iradəsi ilə seçilmiş komitə üzvləri böyük məsuliyyət
daşıyır və bundan sonra onların əsas vəzifəsi məhəllələrdə qarşıya çıxan bütün
məsələlərin vaxtında qeydə alınması,təhlili və aidiyyəti qurumlara
çatdırılmasıdır. Həmçinin vurğulandı ki,komitə üzvləri təkcə problemlərin
çatdırılması ilə kifayətlənməməli,eyni zamanda maarifləndirici işlər aparmalı,
sakinlərin ictimai fəallığının artırılmasına dəstək verməlidirlər.

Görüş zamanı iştirakçılara məhəllə komitələrinin iş prinsipləri,
səlahiyyətləri,qərarların qəbul edilmə qaydaları və hesabatlılıq mexanizmləri ətraflı
şəkildə izah edildi.Xüsusi olaraq diqqətə çatdırıldı ki,şəffaflıq, obyektivlik
və ədalət prinsipləri fəaliyyətin əsas dayağı olmalıdır.

Sonda yeni seçilmiş komitə üzvləri göstərilən etimada görə təşəkkürlərini
bildirərək,üzərlərinə düşən vəzifələri ləyaqətlə yerinə yetirəcəklərinə söz
verdilər.Görüş qarşılıqlı fikir mübadiləsi və gələcək fəaliyyət istiqamətləri
ilə bağlı müzakirələrlə davam etdirildi.

Sumqayıt bələdiyyəsi