MMU-da NATO proqramı çərçivəsində treninqlər keçirilib

NATO-nun “Müdafiə təhsilinin genişlənməsi proqramı” (DEEP) çərçivəsində Müdafiə Nazirliyinin Milli Müdafiə Universitetində (MMU) treninqlər təşkil olunub.

“Report” xəbər verir ki, bu barədə nazirlik məlumat yayıb.

Bildirilib ki, görüş zamanı hərbi təhsil sahəsində əməkdaşlığın inkişaf perspektivlərinə dair ətraflı fikir mübadiləsi aparılıb. NATO ilə əməkdaşlıq çərçivəsində təşkil olunan görüşlərin hər iki tərəf üçün səmərəli olduğu bildirilib.

Daha sonra hərbi təhsil üzrə mütəxəssislərin iştirakı ilə “Təhsildə keyfiyyətə nəzarət mexanizminin yaradılması və icra olunması” mövzusunda treninqlər keçirilib.