Bələdiyyələrlə iş baş idarəsi tərəfindən   seminar-təlimlər keçirilib

Bələdiyyələrlə iş baş idarəsi tərəfindən   seminar-təlimlər keçirilib

Avqust
ayının 21-də Ədliyyə Nazirliyinin Bələdiyyələrlə iş baş idarəsi tərəfindən Azərbaycan
Bələdiyyələrinin Milli Assosiasiyalarının məsul nümayəndəsinin və Bakı şəhəri
üzrə bələdiyyələrin iştirakı ilə seminar-təlimlər keçirilib.

Videokonfrans
formatında keçirilən təlimlər “Yerli özünüidarəetmədə antikorrupsiya və şəffaflıq”
və “Yerli özünüidarəetmədə əhalinin iştirakı və görülmüş işlər barədə yerli əhalinin
məlumatlılığının artırılması” mövzularını əhatə edib.

Seminarlarda cari ildə bələdiyyələrə təqdim edilmiş “Yerli
özünüidarəetmədə antikorrupsiya və şəffaflıq” başlıqlı metodik vəsait müzakirə
olunub, “Korrupsiyaya qarşı mübarizə haqqında” Azərbaycan Respublikasının
Qanununa dəyişikliklə müəyyənləşdirilmiş yeni anlayışlar, yerli özünüidarəetmədə
korrupsiya riskləri, bələdiyyə fəaliyyətində yol verilən pozuntular, o cümlədən
korrupsiya hüquqpozmalarına şərait yaradan, bir-biri ilə səbəb-nəticə əlaqəli
amillərlə bağlı aparılan təhlillər barədə məlumat verilib.

 Ədliyyə Nazirliyi