Tünzalə Qardaşova: “Gələcək hesabatlarımızda vətəndaş fəallığını görmək ümidi ilə bütün sakinlərimizə təşəkkür edirik”

Tünzalə Qardaşova: “Gələcək hesabatlarımızda vətəndaş fəallığını görmək ümidi ilə bütün sakinlərimizə təşəkkür edirik”

01.08.2025-ci il tarixində Boradigah bələdiyyəsində sakinlərə
2025-ci ilin ilk 6 ayına dair yarımillik fəaliyyət hesabatı təqdim olunub. Bu
barədə məlumatı bələdiyyə sədri Tünzalə Qardaşova verib.

Sədr görüşdə hesabatı təqdim edib.

Sədr qeyd edib ki, ilin əvvəlindən 54.500 manat gəlir
proqnozlaşdırılsa da, faktiki daxil olan məbləğ 8.361,34 manat olmuşdur:

Torpaq
vergisi – 1.148,01 manat

Əmlak
vergisi – 1.311,33 manat

Torpaq icarəsi
– 4.002 manat

Torpaq
satışı – 1.900 manat

Əməkhaqqı xərcləri
ümumilikdə 5.631 manat təşkil etmişdir. Bunun 4.631 manatı əvvəlki,
1.000 manatı isə yeni bələdiyyə dövrünə aiddir.

Altı ayərzində şəhid məzarı və şəhid ailəsinin ziyarəti,
ehtiyacların dinlənilməsi, qarlı hava şəraitində yolların təmizlənməsi, 8
Martda məktəb və xəstəxanada çalışan qadınların təbriki,  bələdiyyə binasında təmir-bərpa, lövhələrin
quraşdırılması və yaşıllaşdırma işləri, 
çətin keçilən küçələrə çınqıl tökülməsi,

yanğından zərər çəkmiş müharibə iştirakçısına yardım
edilmiş, küçələrin mütəmadi təmizlənməsi, elektrik xətlərinə təhlükə yaradan
ağacların kəsilməsi həyata keçirilmiş həmçinin 
vergi borcu olanlarla maarifləndirici görüşlər keçirilmişdir

Bu müddət  ərzində ən
çox müraciət pay torpaqları ilə bağlı olub.

Sədr çıxışında qeyd edib ki, nöqsanlarımızı da görür, onları
aradan qaldırmaq üçün çalışırıq. Hədəfimiz daha effektiv və şəffaf yerli idarəçilikdir.

İclas zamanı Boradigah, Mollaoba və Babaser kəndlərini əhatə
edən bələdiyyə ərazisində görülmüş işlər, maliyyə göstəriciləri, sosial fəaliyyətlər
və gələcək planlar barədə ətraflı məlumat verildi.

Hesabatdan sonra iştirakçılar öz fikir və təkliflərini səsləndirdilər,
ictimai müzakirələr aparılıb. İştirak edən sakinlərin çıxışları və təklifləri bələdiyyə
tərəfindən yüksək qiymətləndirilib.

Sədr sonda qeyd edib ki, gələcək hesabatlarımızda da vətəndaş
fəallığını görmək ümidi ilə bütün sakinlərimizə təşəkkür edirik.