SON XƏBƏR: İsrail aviazərbəsi ilə Yəmən husilərinin baş naziri və nazirlər həyatını itirdi

” Baş nazir və nazirlər İsrail hücumunda öldürüldü”.

Turkustan.az xəbər verir ki, husilər İsrailin Yəmənə endirdiyi hava zərbələrində baş nazir Əhməd Qalib ər-Rahavi və bir sıra nazirlərin həlak olduğunu iddia ediblər.

Digər tərəfdən İsrail ordusu dünən İranın dəstəklədiyi husilərə qarşı həyata keçirilən hava əməliyyatlarını şərh edib. Ordunun adı açıqlanmayan yüksək rütbəli rəsmisi bildirib ki, hücumlar zamanı husilərin müdafiə naziri Məhəmməd əl-Atifi və Baş Qərargah rəisi Məhəmməd Əbdül Kərim əl-Qəməri hədəf alınıb. Lakin onların öldürülüb-öldürülmədiyi hələlik dəqiqləşməyib.

Bildirək ki, İsrail ordusu Yəmənin paytaxtı Sənaya azı 10 hava zərbəsi endirib. Hücumlar husilərin nəzarətində olan bölgələri hədəfə alıb.

Husilərə yaxın “Əl-Məsirə” telekanalı da Sənada bir neçə intensiv hava hücumu təşkil edildiyini təsdiqləyib.

Aytən Yaşar/ Turkustan.az