İmişli regional ədliyyə idarəsində bələdiyyələr üçün seminar-müşavirə keçirilib
İmişli regional ədliyyə idarəsində bələdiyyələr üçün seminar-müşavirə keçirilib
Ədliyyə Nazirliyinin İmişli regional ədliyyə idarəsində Biləsuvar rayonu üzrə yeni seçilmiş bələdiyyə üzvləri və qulluqçuları üçün maarifləndirici seminar-müşavirə təşkil olunub.
Seminarda çıxıs edən regional idarənin rəisi İsgəndər Orucov 2025-ci ilin “Konstitusiya və Suverenlik İli” elan olunması haqqında Azərbaycan Respublikası Prezidentinin 28 dekabr 2024-cü il tarixli Sərəncamından irəli gələn məsələlər barədə iştirakçıları ətraflı məlumatlandırıb.
Tədbirdə sonuncu bələdiyyə seçkilərinə əsasən formalaşmış bələdiyyələrin fəaliyyətinin təşkili, bələdiyyə qərarlarının strukturu və məzmununa dair tələbləri, bələdiyyə mülkiyyəti, bələdiyyə torpaqlarının idarə edilməsi ilə əlaqədar yerli özünüidarəetmə orqanlarının səlahiyyətləri, bələdiyyə büdcəsinin icrası, yerli büdcənin gəlir və xərcləri, habelə vergi ödəyiciləri olan fiziki şəxslərin, sahibkarlıq subyektlərinin və vergitutma obyektlərinin uçotunun dəqiqləşdirilməsi ilə bağlı məsələlərə toxunulub.
Seminarın sonunda iştirakçıların sualları cavablandırılıb, onlara praktiki tövsiyələr verilib və fikir mübadiləsi aparılıb.
Mənbə: Meneviyyat.Az/