Nicat Səmədzadə: “Bir çox hallarda vətəndaşlar vergi ödənişinə maraq göstərmir “

Nicat Səmədzadə: “Bir çox hallarda vətəndaşlar vergi ödənişinə maraq göstərmir “

“Siyəzən bələdiyyəsi şəhərdə aparılan abadlıq-quruculuq işlərinə,  şəhərin təmizliyinə daim öz töhfəsini verməkdədir”-bu fikirləri adıçəkilən bələdiyyənin sədri Nicat Səmədzadə bələdiyyə qulluqçuları – mühasib Azad Bədəlovun, bələdiyyənin vergi şöbəsinin müdüri Xəyalə Mazayevanın və “Bələdiyyələrin fəaliyyətinin təbliği” İctimai birliyinin sədri Vüqar Tofiqlinin iştirakı ilə keçirilən görüşdə səsləndirib. 

Hazırda bələdiyyədə doqquz bələdiyyə qulluqçusu fəaliyyətdədir. Hazırda bələdiyyənin 15 üzvünün hər biri bələdiyyənin inkişafına, üzləşdiyi çətinliklərin aradan qaldırılmasına öz töhfəsini verməkdədir. Hər ay keçirilən bələdiyyə iclasılarında üzvlərin hər biri aktiv şəkildə iştirak etməklə öz təklif və tövsiyələrini verməkdədirlər. 

Sədr bildirib ki,  ilk olaraq bələdiyyə iclasının qərarı ilə şəhərin təmizliyinin qorunması üçün bir ədəd özü boşaldan yük maşını alınıb və şəhərin kommunal xidmət müəssisəsinə təqdim edilib. Hazırda şəhərin təmizliyinə xidmətdədir. 

Büdcə gəlrilərinə toxunan sədr bildirib ki, bələdiyyə altı ay ərzində 42.355 manat büdcə gəlirləri əldə edilib. Bunun 5.970  əmlak vergisi, 2.226 manat torpaq vergisi, 18.701 manat icarə haqqları  təşkil edib. Ötən ilin müvafiq dövrü ilə müqayisədə cüzi artım olması müşahidə edilsə də ilin sonunadək bü gün qüvvələri səfərbər edib büdcə gəlirlərini artırmaq niyyətindəyik.  Ötən ilin müvafiq dövründə 6.203 manat əmlak vergisi,  2.643 manat torpaq vergisi,  18.180 icarə haqqları əldə edilmişdir.

Görüşdə bildirilib ki, ərazidə 600 icarə obyekti, 1.277 bina evi,    5.000-dən artıq  ev təsərrüfatı  var. Ümumiyyətlə mövcud əmlakın 40 faziə yaxin bir hissəsinin sənədinin olmaması nəticə etibari ilə bələdiyyənin fəaliyyətinə mənfi təsir göstərməkdədir.

Sadəcə bu gün vergi xidmətinin üzərinə böyük məsuliyyət yükü düşür.  Əhalinin maarifləndirilməsinə, vergi mədəniyyətinin aşılanmasına ciddi ehtiyac vardır. Çünki bir çox hallarda vətəndaşlar vergi ödənişinə maraq göstərmir və ya vaxtında ödəmədikləri halda vergi  məbləğinə əlavə dəbbə pulu hesablanır. 

Görüşdə sədr Nicat Səmədzadə bildirib ki, bələdiyyənin hazırda əsas vəzifəsi hər bir vətəndaşın müraciətini diqqətdə saxlamaqdır. 

Bununla yanaşı son illərdə BAMS proqramının yenilənməsi, üstəlik Əmlak Məsələləri Dövlət Xidmətinin məlumat sisteminə inteqrasıya edilməsi, o cümlədən sistem vasitəsi ilə SMS xidmətinin istifadəyə verilməsi hər halda vergi xidmətini hərəkətə gəlməsinə, o cümlədən onların məsuliyyət yükünü artırılmasına səbəb olub. 

Fəaliyyətimizdə Siyəzən RİH dəstəyini istər vətəndaş qəbullarında, istərsə də səyyar görüşlərdə  müəyyən mənada hiss edirik. 

Sədr onu da əlavə edib ki,  rayonun  məhəllədaxili  yol infrastrukturunun yenilənməsi işlərində bələdiyyədə öz dəstəyini göstərməkdə davam edir. 

Sakinlərin coxsaylı müraciətlərini nəzərə alaraq məhəllədaxili yolların təmiri mərhələli şəkildə bundan sonrada davam edəcəkdir.

Sevindiric hall ondadır ki, bu Siyəzən bələdiyyəsi özünə məxsus inzibati binada fəaliyyət göstərir və bələdiyyə tərəfindən həyata keçirilən hər bir layihə sakinlər tərəfindən rəğbətlə qarşılanır.

Belediyye.info