Mingəçevir bələdiyyəsinin sədri sakinlərlə növbəti səyyar görüş keçirib

Mingəçevir bələdiyyəsinin sədri sakinlərlə növbəti səyyar görüş keçirib

Ş.İ.Xətai küçəsi 14 və N.Nərimanov prospekti 44 ünvanlarında sakinlərlə növbəti səyyar görüşümüz baş tutdu.

Görüş zamanı bələdiyyənin həyata keçirdiyi layihələr, gələcək planlar və sosial yönümlü təşəbbüslər barədə məlumat verdik. Yerli büdcənin formalaşmasında vətəndaş iştirakçılığı, xüsusilə əmlak vergisinin rolu xüsusi qeyd olundu.

Sakinlər öz təklif və müraciətlərini səsləndirdilər. Qaldırılan məsələlər arasında uşaq meydançasının qurulması, idman qurğuları, zirzəmilərdə su yığılması, dezinfeksiya işləri, ağacların budanması və suvarılması kimi gündəlik problemlər yer aldı.

 Bələdiyyənin səlahiyyətləri çərçivəsində olan məsələlərin həlli ilə bağlı müvafiq tədbirlər görüləcək, digər məsələlər isə aidiyyəti qurumlara yönləndiriləcək.

Bu cür birbaşa ünsiyyət və əməkdaşlıq bələdiyyə işimizin əsas istiqamətlərindəndir. Səyyar görüşlərimiz davam edəcək.

Mingəçevir bələdiyyəsi