İraqda neft yatağında partlayış olub

İraqın Dahuk əyalətinin şimal hissəsində yerləşən “Atruş” neft yatağında partlayış baş verib.

Bu barədə “Report” yerli KİV-ə istinadən xəbər verir.

Bildirilib ki, obyektin işçiləri və mülki müdafiə bölmələri yanğını söndürməyə çalışırlar. Obyektdə neft hasilatı dayandırılıb.

İlkin məlumatlara görə, hadisə nəticəsində ölən olmayıb.

Sözügedən yataq ABŞ-nin “HKN Energy” şirkəti tərəfindən idarə olunur.