Poltavanın atəşə tutulması nəticəsində yaralananların sayı 59 nəfərə çatıb – YENİLƏNİB-2

Rusiya Silahlı Qüvvələrinin Ukraynanın Poltava şəhərini atəşə tutması nəticəsində yaralananların sayı 59 nəfərə çatıb.

“Report” xəbər verir ki, bu barədə Ukrayna Milli Polisinin mətbuat xidməti “Telegram” kanalında məlumat yayıb.

“Hazırda iki nəfərin öldüyü və daha 59 nəfərin yaralandığı barədə məlumat var”, – məlumatda qeyd olunub.

Poltavanın atəşə tutulması nəticəsində yaralananların sayı 47 nəfərə çatıb.

“Report” xəbər verir ki, bu barədə Poltava vilayətinin polis idarəsinin kommunikasiya xidmətindən bildirilib.

“Poltava vilayətinin polisi, xilasediciləri və həkimləri atəş nəticəsində xəsarət alan vətəndaşlara yardım göstərməkdə davam edir… Yaralılar arasında iki polis əməkdaşı da var”, – məlumatda qeyd olunub.

Rusiyanın Silahlı Qüvvələrinin (SQ) Ukrayna Poltava şəhərinə hücumları nəticəsində iki nəfər ölüb, 11 nəfər xəsarət alıb.

“Report” xəbər verir ki, bu barədə Ukrayna KİV-ləri məlumat verib.

Hadisə yerində müvafiq xidmətlər işləyir.