Bələdiyyə sədri: “SMS xidmətinə qoşulmağımız büdcə gəlirinin artımına səbəb olacaq”

Bələdiyyə sədri: “SMS xidmətinə qoşulmağımız büdcə gəlirinin artımına səbəb olacaq”

“Nizami rayonu Keşlə bələdiyyəsinin büdcə gəliri  ötən ilin aprel-may ayı ilə müqayisədə cari ilin müvafiq dövründə 28 faiz artıb. Belə ki, 2024-cu il aprel-may aylarında bələdiyyənin  büdcə gəliri  43.330 manat olmuşdursa,  bu rəqəm cari ilin müvafiq dövründa  55.602 manat təşkil edib” –

 bu fikirləri adıçəkilən bələdiyyənin sədri Rəşad  Babayev bildirib. 

Sədr qeyd edib ki, əldə olunan maliyyə vəsaiti ilə Keşlə parkının abadlaşması, bəzi küçələrdə yaşıllığın yenilənməsi,  Şəhidlər xiyabanında cari tə mir işlərinin aparılması, bəzi küçə divarlarının rənglənməsi və bir sıra digər layihələr icra edilib. 

Sədr daha sonra qeyd edib ki, bələdiyyənin vergi xidməti yeni SMS xidmətinə qoşulub. 

Yeni xidmətə qoşulmaq büdcə gəlirinin artımına səbəb olacağına inanıram. Rəşad Babayev bildirib ki, bələdiyyənin əsəs problemi Keşlə qəsəbəsində evlərin sənədsiz olmasıdır. Evlərin sənədləşməsinə start  verilərsə  bələdiyyənin büdcə gəlirləri də kifayət qədər artar. 

P.S. Bu məlumatlar bizim Keşlə bələdiyyəsinə həsr etdiyimiz qısa bir statusdan sonra əldə olunub.  Statusa dərhal reaksiya verilməsi sədrin yerində olmasından xəbər verir. Düşünmək olar ki, fəaliyyətində müəyyən təcrübəsizlik hiss edilsə də,  yeni seçilən sədrdə bələdiyyənin  fəaliyyəti ilə bağlı ciddi fikirlərin olması tezliklə  Keşlə bələdiyyəsinin yenidən qabaqcıllar  sırasında yer alacağından xəbər verir. 

Belediyye.info