“Sepah”ın “Əl-Qüds” bölməsinin iki yüksək rütbəli komandiri öldürülüb – YENİLƏNİB

İran İslam İnqilabı Keşikçiləri Korpusunun (“Sepah”) “Əl-Qüds” bölməsinin komandiri Behnam Şəhriyari ölkənin qərbində öldürülüb.

“Report” xəbər verir ki, bu barədə İsrail Müdafiə Qüvələrinin (IDF) sosial şəbəkələrdə yaydığı məlumatda deyilir.

Qeyd olunur ki, Şəhriyari Yaxın Şərqdə silah tədarükünə görə məsul idi.

“Şəhriyari həmçinin müxtəlif terror təşkilatlarına hər il yüz milyonlarla dolların köçürülməsi üzrə əməliyyatlara da rəhbərlik edirdi”, – məlumatda qeyd olunub.

İranın Qum şəhərində İslam İnqilabı Keşikçiləri Korpusunun (Sepah) “Əl-Qüds” hərbi xüsusi hərbi qurumunun Fələstin bölməsinin rəhbəri Səid İzadi öldürülüb.

“Report”un “The Times of Israel” nəşrinə istinadən məlumatına görə, bunu İsrailin müdafiə naziri İsrael Kats bildirib.

“Bu, İsrail kəşfiyyatının və Hərbi Hava Qüvvələrinin böyük nailiyyətidir”, – deyə o əlavə edib.

Onun sözlərinə görə, İzadi 7 oktyabrda baş verən hücumdan əvvəl HƏMAS-ı maliyyələşdirib və silahlandırıb.