Vəndam qəsəbəsində “Son zəng” keçirildi

Vəndam qəsəbəsində “Son zəng” keçirildi

“Qəbələ rayonu Vəndam bələdiyyəsinin sədri Asif Həşimov  bu gün keçirilən  “Son zəng” tədbirlərində iştirak edib”- bu barədə məlumat adıçəkilən bələdiyyədən daxil olub.

Məlumatda bildirilir ki, şəhid Eldəniz Mehdiyev adına Vəndam 1 saylı  orta məktəbdə təşkil edilən tədbirdə məzunlar, valideynlər, şəhid ailələrinin nümayəndələri və müəllimlər qarşısında çıxış edən bələdiyyə sədri Asif Həşimov  ölkəmizdə təhsilin inkişafına verilən dövlət dəstəyindən, Vəndam 1 saylı orta məktəbin uğurlarının ölkə hüdudlarını aşmasından geniş danışıb.

Çıxışının sonunda beynəlxaq “Bil-Bacar” yarışmasında 1-ci yer tutan məktəbin 9- cu sinif şagirdi Banu Eyyubluya bələdiyyənin yekdil qərarı ilə ayrılmış gül dəstəsi və   pul mükafatını təqdim edib.

Bələdiyyənin kollektivi inanır ki, qəsəbənin hər üç orta məktəbində  “Son zəng gün”ü keçirilən görüşlərdə  sədr Asif Həşimovun tövsiyələri məzunların yaddaşında silinməz izlər buraxacaq.

Belediyye.info