“Bölgələrə kitabla gəlirik”- I Mingəçevir Kitab Sərgisi keçirilib

“Bölgələrə kitabla gəlirik”- I Mingəçevir Kitab Sərgisi keçirilib

31 may-2025-ci il tarixində Mingəçevir şəhərində Beynəlxalq Uşaqların Müdafiəsi Gününə həsr edilmiş  I Mingəçevir Kitab Sərgisi keçirilib.

Nəzərdə tutulan tədbirdə kitab satışı ilə yanaşı, yazıçılarla görüş, imza saatları və s. kimi fəaliyyətlər təşkil olunub. Sərgiyə 30-dan çox nəşriyyat öz xüsusi stendi ilə qatılıb. Bu da 10 minlərlə kitabın, tanınmış müasir Azərbaycan yazıçılarının iştirakı deməkdir.  Sərginin açılışında Azərbaycan Nəşriyyatlar Assosiasiyası, Mingəçevir İcra Hakimiyyəti, Mingəçevir Dövlət Universiteti və Mingəçevir Bələdiyyəsinin rəhbərləri təbrik nitqi ilə çıxış ediblər. Aran Regional Mədəniyyət İdarəsinin tabeliyində olan qurumlar rəngarəng musiqi nömrələri ilə bayrama gələnləri həvəsləndirib.

Bundan sonra sərgiyə baxış olub. Mingəçevirlilərin yeni aldıqları kitablar üçün müəlliflərin imzalarını da alıblar.

Qeyd edək ki, “Bölgələrə kitabla gəlirik” şüarı ilə təşkil olunan sərgilər, silsilə şəklində Gəncə, Naxçıvan, Sumqayıt, Lənkəran kimi bölgələrimizdə “Azərbaycan Nəşriyyatları Assosiasiyası” İctimai Birliyi (ANAİB) mütəmadi olaraq şəhər və rayon İcra Hakimiyyətlərinin dəstəyi ilə həyata keçirilir. Ölkəmizdə ilk dəfə olaraq belə bir sərginin keçirilməsdə bələdiyyə dəstəyi təşəbbüsü Mingəçevir Bələdiyyəsi tərəfindən irəli sürülüb.

Sərgi iyun ayının 1-də başa çatıb

Mingəçevir  bələdiyyəsi 

.