“Araz-Naxçıvan” Ömər Buludovla müqaviləni yeniləyib
“Araz-Naxçıvan” klubu futbolçusu Ömər Buludovla müqaviləni yeniləyib.
“Report” Naxçıvan təmsilçisinin mətbuat xidmətinə istinadən xəbər verir ki, müdafiəçi ilə anlaşma 1 ili əhatə edəcək.
Buna qədər baş məşqçi Elmar Baxşıyevlə yanaşı, İssof Paro, qapıçılar Kristian Avram və Tərlan Əhmədli ilə də yeni müqavilə imzalanıb.
Qeyd edək ki, Misli Premyer Liqasının 2024/2025 mövsümünü üçüncü pillədə başa vuran “Araz-Naxçıvan” UEFA Konfrans Liqasında iştirak hüququ qazanıb.
Mənbə: Report.Az