İngiltərəli futbolçu UEFA Avropa Liqasının tarixinə düşüb

İngiltərənin “Tottenhem” klubunun futbolçusu Mayki Mur UEFA Avropa Liqasının tarixinə düşüb.

“Report” xəbər verir ki, bu barədə Beynəlxalq Futbol Tarixi və Statistikaları Federasiyası məlumat yayıb.

O, bu turniri (əvvəlki UEFA Kuboku daxil) qazanan ən gənc oyunçu olub. İngiltərəli vinger bunu 17 yaş 283 günündə bacarıb.

Qeyd edək ki, “Tottenhem” UEFA Avropa Liqasının finalında “Mançester Yunayted”i minimal hesabla üstələyib – 1:0.