Qarabağ regional ədliyyə idarəsində bələdiyyə sədrləri və üzvləri üçün seminar keçirilib

Qarabağ regional ədliyyə idarəsində bələdiyyə sədrləri və üzvləri üçün seminar keçirilib

Qarabağ regional ədliyyə idarəsində Ağdam və  Füzuli rayonlarında fəaliyyət göstərən bələdiyyə sədrləri və üzvləri üçün seminar keçirilib

Tədbirdə Qarabağ regional ədliyyə idarəsinin rəisi Fariz Şirinov “Bələdiyyələrin statusu haqqında”, “Bələdiyyələrin fəaliyyətinə inzibati nəzarət haqqında”, “Bələdiyyələrin əraziləri və torpaqları haqqında”, “Bələdiyyələrin daimi və başqa komissiyaları haqqında” Əsasnamənin təsdiq edilməsi, “Bələdiyyənin nümunəvi nizamnaməsinin təsdiq edilməsi haqqında” və digər əlaqədar mövzular barədə danışıb.

Eyni zamanda, F. Şirinov “Hüquqi aktların Azərbaycan Respublikasının Hüquqi Aktların Dövlət Reyestrinə daxil edilməsi qaydaları haqqında Əsasnamə” nəzərə alınaraq, bələdiyyələrin nizamnamələrinin təkmilləşdirilməsi zərurəti, üsul və vasitələri haqqında tədbir iştirakçılarına məlumat verib.

Seminarda bələdiyyə fəaliyyətinin müxtəlif sahələri ilə bağlı yerli özünüidarəetmə orqanlarının rəhbərlərini maraqlandıran hüquqi məsələlərə dair suallar cavablandırılıb, qanunvericilik aktlarından çıxarışlar bələdiyyə sədrlərinə paylanılıb.