Fransa kontingenti Seneqaldakı daha bir hərbi bazanı tərk edib

Fransa Seneqaldakı üçüncü bazasından hərbi kontingentinin çıxarılmasını başa çatdırıb.

“Report”un xəbərinə görə, bu barədə Fransanın Afrika ölkəsindəki səfirliyinin bəyanatında deyilir.

“Fransa tərəfi Dakar limanında yerləşən Kontr-Amiral-Prote bölgəsindəki bazanı Seneqal tərəfinə təhvil verib”, – diplomatik nümayəndəlikdən bildiriblər.

Bundan əvvəl, martın 7-də Mareşal və Sent-Ekzüperi bazaları geri qaytarılıb. Qalan obyektlər yaya qədər müəyyən edilmiş qrafikə uyğun olaraq Seneqal tərəfinə veriləcək.