Naxçıvan bələdiyyələri əmlak vergisinin həcmini 9.5 faiz artıra biliblər
Naxçıvan bələdiyyələri əmlak vergisinin həcmini 9.5 faiz artıra biliblər
Dövlət Statistika Komitəsindən Belediyye.infoya daxil olan məlumata görə, 2024-ci ildə Naxçıvan Muxtar Respublikasında formalaşan 170 bələdiyyənin büdcə gəliri 2.403.700 manat olub. Bu 2023-ci llə müqayisədə 21.8 faiz çox deməkdir. Qeyd edək ki, 2023 cü il ərzində Naxçıvan bələdiyyələri büdcə gəliri 1.973.200 manata bərabər olmuşdu.
Əldə edilən gəlirin 20.2 faizi vergilərdən, 79.8 faizi isə rüsumlardan olub. Büdcə gəlirinin 6.5 faizi torpaq, 13.7 faizi əmlak vergisindən daxil olub. İl ərzində əmlak vergisinin həcmi 9.5 faiz artaraq 329.600 təşkil edib.
Naxçıvan bələdiyyələrinin büdcə gəlirinin 42.6 faizi bələdiyyə əmlakının özgəninkiləşdirilməsindən, icarəsindən və istifadəyə verilməsindən daxil olub. Bu da ümumilikdə 1.024.000 manat deməkdir. Bunun 432.400 icarə haqqlarından, 591.800 manatı isə əmlakının özgəninkiləşdirilməsindən daxil olub.
İl ərzində bələdiyyələr tərəfindən xüsusi ayrılmış torpaq sahələrində stasionar və ya səyyar ticarətdən 32.100, daşınmaz əmlak üzərində reklam daşıyıcısının yerləşdirilməsindən daxil olan ödənilərdən 41.600 manat manat, və avtodayanacaqlardan 200 manat maliyyə vəsaiti daxil olub. Əldə edilən vəsaitin 16.000 manatı fiziki şəxslərdən v. 36.800 manat isə hüquqi şəxslərdən daxil olan ianələr təşkil edib. Əldə edilən 342.500 manatı isə digər istiqamətlərdən daxil olub.
İl ərizndə Naxçıvan bələdiyyələrinə 424.200 manat dotasiya ayrılıb.
İl ərzində Naxçıvan bələdiyyələrinə mehmanxana, tuizm, kurort-sanatoriya xidmətlərindən hər hansı maliyyə vəsaiti daxil olmayıb
Belediyye.info
Mənbə: Meneviyyat.Az/