İxtiyar Nəcəfov: “Qəbula gələnlər sakinlər, bizim  həm də seçicilərimizdi, odur ki,…”

İxtiyar Nəcəfov: “Qəbula gələnlər sakinlər, bizim  həm də seçicilərimizdi, odur ki,…”

“Suraxanı
rayonu Qaraçuxur bələdiyyəsində vətəndaşların qəbuluna ciddi diqqət yetirilir.
Yeni formalaşan bələdiyyənin ilk iclasında da məhz bu məsələyə diqqət çəkilib” -bu
fikirləri Suraxanı rayonu Qaraçuxur bələdiyyəsinin sədri İxtiyar Nəcəfov bildirib.

Sədr
bildirib ki, qəbula gələn sakinlər, bizim  həm də seçicilərimizdi. Odur ki, onların müraciətlərinin
bələdiyyəyə  aid olub-olmamasından asılı
olayaraq hər bir müraciət diqqətdə saxlanılır və həlli üçün addım atılır.

“Bələdiyyələrin
fəaliyyətinin təbliği” İctimai birliyinin sədri VüqarTofiqlinin  iştirakı 
ilə keçirilən qəbulda səkkiz  nəfərə
yaxın sakin qəbul edilib, müraciətləri dinlənilib.

Bələdiyyənin
inzibati binasında baş tutan qəbul zamanı bələdiyyə sədri vətəndaşları  narahat edən məsələlərlə yaxından tanış olub,
müraciət və təkliflərini dinləyib  həlli
ilə bağlı öz tapşırıq və tövsiyələrini verib. Vətəndaşlar tərəfindən qaldırılan
məsələlərin bir qismi yerində həll olunub, araşdırılmasına ehtiyac olan müraciətlər
isə nəzarətə götürülüb.

Sədr
qeyd edib ki, artıq bələdiyyələrin fəaliyyətinin yeni dövrü başlayır. Bu zaman
kəsiyində bələdiyyənin üzv və qulluqçularının daha fəal olması və müraciətlərə
daha diqqətlə yanaşması  tələb olunur.

Qəbuldan
sonra bələdiyyənin hüquq komissiyasının sədri  Rəşad Rzayevin iştirakı ilə bələdiyyənin son
beş ildəki fəaliyyətinə qısa bir nəzər yetirildi.  Müzakirədə bələdiyyənin son beşildəki fəaliyyəti
ilə bağlı hesabat xarakterli videorolikin hazırlanması da qərara alınıdı.

Belediyye.info