Sədr: “Bələdiyyə tərəfindən keçirilən layihələrdə Sabunçu RİH-in daim dəstəyini hiss edirik”

Sədr: “Bələdiyyə tərəfindən keçirilən layihələrdə Sabunçu RİH-in daim dəstəyini hiss edirik”

“Azərbaycan
Respublikasının Prezidenti cənab İlham Əliyevin 25 dekabr 2023-cü il tarixli Sərəncamına
əsasən 2024-cü il “Yaşıl Dünya Naminə Həmrəylik İli” elan olunmuşdur. Sözügedən
Sərəncam əsasında təsdiq olunmuş tədbirlər planına uyğun olaraq bütün
respublikada olduğu kimi Sabunçu
rayonunda formalaşan
bələdiyyərin də qatıldığı silsilə tədbirlər həyata keçirilməkdədir”- bu fiklirləri
Belediyye.infoya  Sabunçu bələdiyyəsinin
sədri Əlfəddin Həsənov deyib.

Sədr
qeyd edib ki,  Sabunçu RİH-in təşəbbüsü
ilə “Yaşıl Dünya Naminə Həmrəylik İli” ilə bağlı təsdiq olunmuş tədbirlər
planına uyğun olaraq yaşıllıqların çoxaldılması məqsədilə müxtəlif yerlərdə
yeni ağac tingləri əkilmiş, ətraf mühitin qorunması məqsədilə istirahət
parklarında, prospekt və küçələr, eyni zamanda qəbristanlıq ərazilərində məişət
tullantılarından, alaq otlarından təmizlənmişdır.

Əlavə
edək ki, bələdiyyənin balansına verildikdən sonra ərazidə olan müsəlman və
xristian   qəbirstanlıqlarında ciddi layihələr icra edilməkdədir.
Ərazilərin hasara alınması, müşahidə kameralarının quraşdırılması və ərazidə  digər işlər həyata keçirilmiş, proses  hər daim bələdiyyənin diqqətdədir.

Bununla
yanaşı keçirilən iməcliklər və ağacəkmə aksiyaları ərazidə ekoloji tarazlığın bərpası
və ətraf mühitin təhlükəsizliyinin, insanların sağlamlığının təmin edilməsi,
rayonun daha da gözəlləşməsi istiqamətində görülən işlərin davamına bir töhfə
olmuşdur.

Bələdiyyə
tərəfindən keçirilən layihələrdə Sabunçu RİH-in daim dəstəyini hiss edirik.

Mövsüm ərzində Sabunçu bələdiyyəsi ərazinin yaşıllaşdırılması, yeni ağacların əkilməsi,
yaşıllıqlara qulluq və abadlıqla bağlı iməcliklər davam etdiriləcəkdir.

Belediyye.info