Ceyhun Bayramov Türkiyəyə səfər edəcək

Məlumata görə, Ceyhun Bayramov sabah Hakan Fidanın dəvəti ilə Ankaraya səfər edəcək. Görüşdə iki ölkə arasındakı münasibətlər müzakirə olunacaq, həmçinin Azərbaycan-Ermənistan sülh prosesi və Türkiyə-Ermənistan arasındakı normallaşma prosesi gündəmə gələcək.

Tərəflər İsrail-Fələstin məsələsi başda olmaqla bölgədəki proseslər də qiymətləndiriləcəklər.

Türkiyə ilə Azərbaycan arasındakı dostluq və qardaşlıq münasibətləri ticarətdə də özünü göstərir.

İki ölkə arasındakı ticarət həcmi artaraq 7,6 milyard dollara çatıb.

Xarici işlər naziri Hakan Fidan sonuncu dəfə iyulun 5-də Azərbaycanın Şuşa şəhərində keçirilən Türk Dövlətləri Təşkilatının Qeyri-rəsmi Zirvə Toplantısı çərçivəsində azərbaycanlı həmkarı ilə görüşüb.